عمي كرهلي حياتي

السلام عليكم ورحمة الله تعالى وبركاته
كي راكم دايرين مع رمضان يا اعضاء المنتدى
بلا ما نطول عليكم اليوم حبيت نفرغ قلبي ليكم انا و با نظلوا مدابزين وسبابنا هو عمي دائما يجي يدي اللوطو فين راك دايها راني داي لمرا للحمام ولا راني دايها لدار ماها ولا راني دايها تكسي لولاد مع العيد قرب لازم تكسيهم كيما دروك راها عنده ما ردهاش . المشكلة هو عندي3 عمومي خرين وgاع عندهم لواطا ويجي يسلف غي على با علاش ما يسلفش عليهم باسكو ما يقبلوش مراتهم يحكموا فيهم كيفه حتى هو مرته تحكم فيه كي تقوله روح جيب اللوطو يجي يجري سي نو راها تنوظ الgيرا نتاع لالمان عمي كرهلي حياتي Laugh

ويما الله غالب ما تهدرش كامل الصراحة عاقلة و با عمره ويلا قال لعمي لالا راني محتاجها ما نقدرش نمدهالك gاع ما يهدرش معاه يموت عليه وعلى حسه حتى خطرات نحسه يبغيه خير مني انا وخويا لكبير.هاديك النهار خويا الكبير دا اللوطو وجا عمي عند با باش يسلفها عليه با قاله داها ولدي في ميزكم شتا قاله عطيني النقل عمي كرهلي حياتي Busted_red

مين ما راهش خدام اليوم ندي لمرا للحمام تخيل نتا مرا مجمعة في اللول وغاديا للحمام وموراها 18 بلاصة ايوا قولولي هذا عمي ما شي مريض كرهته وما تقولوليش ما لازمش تكره عمك. خاطرش يديها تقريبا كل يوم وكي يديها ما يردهاش لوكان ما يمشيش خويا يجيبها راها قاعدة عندك gاع ما يفهمش روحه ويقول بالاك راهم محتاجينها واااااالوااااا عمي كرهلي حياتي Sneaky2

ما علابالهش نهائيا ولينا حنا نسلفوها عليه من كثرت لي يديها وانا مداك كبير عليا ما جاياش نمشي ننشعه ولا نعايره غي نخصر روحي مع با وصافي باسكو ما يبغيش عليه غي قولولي واشتا ندير يا خاوتي انا المهم فرغتلكم قلبي ونتمنى تعاونوني . علابالكم واش راها باينتلي الخطرة الجاية كي يجي يديها ويقولي راني داي لمرا للحمام نقوله هاك 200 دينار وروح ديلها كورصة بالاك يفهم روحه وشكرااااا .

هههههههههههههه شكرا حنونتي روووووووووعة

» شجن ...انتظار...انها حياتي
» عندما تألمت من حياتي تعلمت ؟
» اروع فديو رايته في حياتي كلوا يدخل